الحلقة الثالثة:
انتشل مفلح نفسه من اعتكافه المنزلي وخرج منذ الصباح الباكر إلى عمله,ضبط أعصابه قدر استطاعته ,واتسم بالصبر و)طولة البال)على غير العادة.
وفي طريق عودته إلى المنزل وبعد ساعات من أنتظار رأفة أحد سائقي (الباصات) بحاله وصيامه حظي مفلح بكرسي في (باص)وبجانب السائق.
لن يَعجب مفلح إذا ما حلق (الباص)فجأة ..لأنه فعلياً يطير على مستوى منخفض قريباً من الأرض.
إلا أنه لن يتدخل لأنه يفضل أن يُبقي السائق لسانه في فمه..فإخراجه عن حالة الصمت قد يؤدي إلى كارثة,واكتفي بالتشهد بين فينة وفينة وكلما شعر باقتراب الموت.
(الكنترول)يتناول وبكل جرأة بكيت الدخان من امام مفلح ويشعل السيجارة.
بقي مفلح صامتاً إلا أنه (جحر الكونترول جحرة)..
وإذا (بالكنترول) يُشقي مفلح بعباراته.
الكنترول:اسمع شواللي مش عاجبك؟؟حر أنا بدخن بكيفي ,بصوم بفطر ما الك عندي.
مفلح:يا زلمة هو أنا فتحت ثمي.
الكنترول:ما احلاك وانت فاتحه...تخلينيش افطر عليك.
مفلح:ليش السيجارة اللي بايدك ما بتفطر
الكنترول:نعم يا خوي؟؟جاي تحاسبني.
مفلح:لا حول ولا قوةإلا بالله
الكنترول:اسمع..ترا حطيتك براسي..
التفت مفلح وعدل جلسته متاجهلاً حديث(الكونترول)
الكنترول:هسع بدك تقنعني انك صايم؟؟
مفلح:مش ظروري تقتنع.
الكنترول:وبتجاوب كمان..والله هسا بـ..
مفلح ينفجركالبركان:وك كلك شقفة كنترول اذا ترفعت بتصيرشوفير,انا شب متعلم وبسوى منك عشرةمش عشاني ساكتلك تستوطي حيطي. انت لو بتستحي ع حالك كان صمت...بس الولد الصغير أزلم منك.
خرج السائق عن صمته وقال ساخراً والله اللي بقولوه الشب صحيح انت زلمة؟
الكنترول:نعم يابا؟ليش منو اللي طلب مني سيجارة من شوي؟شو ولا على هامان يا فرعون.
الشوفير:انا زلمة قد ابوك ومعي قرحة بالمعدة وما بقدر أصوم.
الكنترول:اتجيبش سيرةابوي ع لسانك..ابوي زلمة محترم وبسوى منك مية.
الشوفير يوقف الباص:يعني انا اللي مش محترم؟؟شوقصدك؟؟بيّه الخير الي لقيتلك شغلة تظبك يا .....
ترك مفلح الحرب التي أشعلها موقدة و نزل.
اما ابو مفلح المسكين...
فقد كان يقود سيارته عائداً إلى المنزل قبل الأذان بقليل حين تصبح الشوارع ساحات (فورميلا)عالمية,ويتحول كل من يقبع خلف المقود إلى سائق رالي,بل يتخذ كل منهم أذان المغرب تصريحاً لقطع كل الإشارات الحمراء التي تواجهه .
يقف أبو مفلح عند الاشارة الضوئية ,دقائق وتتحول إلى اللون الأخضر,...انهالت عليه الشتائم واللعنات وكأنه واقف يسرح في اضواء الاشارة ويلعب بالالوان.
-بنّا نلحق الفطور.
-مش شايف الضو الأخدر.
يرتبك ابو مفلح ويحار في أي اتجاه يتحرك,وفجأة تصطدم سيارة من الخلف بسيارته ,ثم يترجل السائق من السيارة ويبدأ بالصراخ.
الرجل: ما تمشي لما تشوفني مشيت؟؟بلاش تمشي زمرلي شو هاظ؟؟؟ناس ما عندها فهم.
ابو مفلح:الظاهر انو مع رمظان قواعد السير بتختلف؟؟
الرجل:نعم يا خوي...جاي تعلم علي؟؟
ابو مفلح:يحاول تهدأة الجو"يا عمي يا حبيبي الحق ع اللي ورا"
الرجل:لا يا حبيبي.انت شايفني ماشي ومش منتبهلك زمرلي.
ابو مفلح:لا حول ولا قوة الا بالله خلص يا عمي روح انا مسامحك واللي صار بالسيارة انا بزبطو بس خلينا نمشي.
الرجل:نعم يا حبيبي؟؟؟وسيارتي؟؟منو بدو يزبطها
ابو مفلح:لا حول ولا قوة الا بالله,بقلك الحق عليك يا عمي
الرجل:اسمع تراني صايم والظو مش شايفه...صحيح انت زلمة قد ابوي.بس مش يعني تتبلى علي
ابو مفلح:يا عمي بما اني قد لابوك احترمني عاد وبقلك مسامحك
يتدخل الموجودون في الشارع..
-طولو بالكو يا جماعة الدنيا صيام...وما ظل ع وقت المغرب اشي.
تتعالى الصيحات الى ان ياتي شرطي المرور..والباقي عندكو.
2 التعليقات:
الحقيقة ... هذه الحلقة لها نكهة خاصة .. أبدعت ِ ربى :)
هلق بالباص .. لو اني مكانه ما كان تدخلت .. يدخن .. يعمل شو مابده .. لآنه هدول مش بني آدمين .. بالمرة
ما بينحكى معهم
اما بالسيارة .. الحق عليه
انه ليه مضيع الزلمة .. ما يمشي منيح!!وينتبه عن الناس اللي مو منتبهة
تحياتي
:)
العنوان معبر جدا جدا
أعجبتني عبارة :
"لن يَعجب مفلح إذا ما حلق (الباص)فجأة ..لأنه فعلياً يطير على مستوى منخفض قريباً من الأرض."
بس يعني الواحد أخذ فكره انه كل الكونتروليه والسواقيين مفطريين برمضان......عبارة عليها تحفظ
أما بالنسبة لابو مفلح...وحادث السيارة...الظاهر لانه ايومفلح واحد كبير في العمر وعجووز فبسوووق على مهله وبأقل من مهله يعني سواقة ختايرية....فالشب عنده حق...والغلط على ابومفلح
إرسال تعليق